O loo faaauau pea galuega fesoasoani a tagata mai Niu Sila ma Ausetalia i le sa’ilia o nisi tagata ua tanumia e fale ua solo.
E oo mai anapo ua sau lipoti mai le Pelesetene o Vanuatu e tusa ma le 16 tagata ua maliliu, ma le silia ma le 200 tagata manunu’a ona o le mafui’e na lūlū ai i le Aso Lua.
I se tala mai tagata galulue mai Niu Sila o loo i Vanuatu, o loo taula’i sa’ili’iliga i tagata ua tanumia e fale ua solo, ma o loo iai le talitonuga e oo atu i le to’avalu tagata o loo tanumia ai i se tasi o fale.
O lea foi o loo galulue isi tagata galulue mai Niu Sila i le fale na faaaogā e le Haikomisina a Niu Sila i Vanuatu lea foi ua sau tala ua matua’i faaleagaina.
Fai mai e lē o faigofie galuega fesoasoani ona o le tele o mafui’e laiti e ono toe lamatia atu ai ma soifua o le augalulue.
Puna o Faamatalaga: NZ rescuers still hopeful of finding survivors of Vanuatu earthquake | RNZ News
