Ua faasalaina e leoleo le silia ma le 1000 o I latou na solia tapu na sau ma le Koviti
O lenei fuainumera e le o aofia ai I latou e solia tuutuuga o faanofoesea ai poo le faia foi o siaki
Saunoa ai le komesina o leoleo, Andrew Coster, o le mafai e leoleo ona faasala I latou ia, e faatoa faia I luga o le valaau a le soifua maloloina, peitai o le faatagana o loo mafai ai ona faasala le au le usiusitai, o le faia lea o faatasitasiga toatele atoa ai ma le le usitaia o tapu I tuaoi o aai
O Ueligitone le aai o loo sili I lana 197 sala, sosoo ai ma Canterbury e 158, ae lona tolu atu ai Manukau e 125
O le toatele lava o le tai 20 I le 30 tausaga le matutua, ma o le ¾ o le au le usitai o le itupa o alii
I le aotelega o tapu talu mai lava ona sau ma le Koviti, o le silia ma le 6500 o sala na tuuina atu lea I le solia o lapataiga vaega 4 e pei ona iai le atunuu atoa I le tausaga talu ai, faasolo mai ai I le 1050 o le vaega 3, ae 58 sala o le vaega lapataiga lua
E silia ma le 6300 lapataiga tusitusia faapea lapataiga tu’ugutu
