Ua polomisi le vaega a le National latou te faaluaina le aofai o tagata o loo aumai i lalo o galuega faavaitaimi pe a tulai mai.
O se tasi lea o itu o faiga faavae a le vaega o vaomatua a le National ma le sini autu ia fesoasoani i le utiuti o tagata galulue o loo moomia i nuu i tua e faapitoa mo le aufaifaatoaga.
I le taimi nei o lea e gata le aofai o tagata aumai i lalo o galuega faavaitaimi i le 19,000 ma o le fai mai ai o le taitai ia Christopher Luxon o le a faaluaina o lona uiga o le a 38,000.
E le gata ai la i le faaopoopo o tagata e aumai mo galuega faavaitaimi ae o le a mauavanoa ai e faatalosaga mo avanoa nofomau i lalo o le visa ua ta’ua o le Accredited Employer Work Visa.
Fai mai le National e talitonu o se fesoasoani tele lea mo le aufaifaatoaga.
