Ua faamatuu mai e le Vaikano le uluai ata o le Tamā Paia, le faauluuluga o le Ekalesia Katoliko i le lalolagi, Pope Francis talu mai ona faataotolia i le maota gasegase i le vaiaso talu ai.
O loo faailoa mai i le ata le Tama Paia i le chapel i le falemai o Gemelli o loo taofia ai i Roma. Sa folafola e le Vatikano i le aso ananafi mo le uluai taimi lea ua faamatuu mai ai lea ata ma ta’ua ai sa auai i le misasa.
Ua 88 tausaga o le soifua o Pope Francis sa faataotolia i le maota gasegase ona o le pneumonia. Ta’ua i le lipoti le momoli ane o lana faafetai i tagata lotu uma o le Ekalesia ma e o loo tatalo mo ia.
Ua faailoa foi i le lipoti le lolofi ane o tamaiti ma paluni lanu papae e faailoa atu ai i le tama paia a latou talosaga o loo faaauau pea mo ia aemaise totino uma o le ekalesia i soo se vaega o le lalolagi.
Puna o Faamatalaga: https://edition.cnn.com/2025/03/16/europe/pope-first-photo-since-hospitalization-intl-latam/index.html
