E to’atele sa iai popolega e avea le tula’i mai o Trump i le tofi peresetene o Amerika ma ala e afaina ai le maliega o le AUKUS peitai ua faailoa i lipoti lata mai mai le ABC i le asō o loo saogalemu lea maliega.
O le faamatalaga mai le sui minisita o le puipuiga a Ausetalia, Pat Conroy, fai mai a ia e lototele i le mataupu lea aemaise o atunuu uma e tolu o loo aofia ma le puipuia o latou atunuu ma ua tatau foi ona faamalosia le itu tau le puipuiga.
Lipotia foi o le mataupu lea i le AUKUS na talanoa ai Trump ma Albanese i le la telefoni sa faia i le vaiaso talu ai e ui o le taimi ua sola sa folafola ai e Trump e na te lē filifilia le failautusi o iai nei a Amerika, Mike Pompeo i lana Kapeneta.
O Pompeo e lagolago malosi i le AUKUS ma sa faia foi feiloa’iga ma le minisita o le va i fafo a Ausetalia, Penny Wong i taimi ua tuana’i.
O Ausetalia ma le UK ua mae’a suia uma a la faigamalo talu ona sainia le maliega ma e manatu Pat Conroy ailoga a iai se suiga i le tula’i mai o Trump.
Puna o Faamatalaga: https://www.abc.net.au/news/2024-11-11/federal-politics-live-blog-november-11/104584116
