Ua faamaonia mai e se tasi o sui o le Fono Faavae a le itumalo o Faasaleleaga #2 le aveese lea o le failautusi ona o loo tuuaia i le $175 afe tala o le tupe o le poloketi ua leiloa poo fea ua faaaogā iai.
Faailoa e le sui o le Fono Faavae o le seleni o loo fesiligia nei o le $150 afe muamua na tuu atu e le Matagaluega o Tina ma Tamaitai i le itumalo e faatupe ai totogi a le aufaigaluega ma a latou alauni.
Ae o le $25 afe o le vaega o le $425 afe o loo tuufesili solo poo fea ua faaaogā iai.
O loo ua faatino foi le pitolaau a le matagaluega i nei f aafitauli o loo tulai i nisi o itumalo ona o tupe o le poloketi a le malo.
Sa fesiligia foi lea sui poo ai o le a suitulaga i le failautusi ua faamalolo nei, peitai na ia ta’ua e lē o mautinoa ia vaega, ona e pau le itu o loo taumafai iai ina ia fai le amiotonu i seleni o loo tuuina atu mo le poloketi ina ia manuia ai tagata o le itumalo ae lē na o i latou o loo faauluulu iai Fono Faavae.
