E oo atu i le $5,000 tala i le tausaga lea o le a faamatuu mai i a’oga e faatau ai tusi faitau ma isi puna’oa o moomia auā le faaleleia o le faitau tusi a fanau a’oga.
E amata atu i le masina fou ona faamatuu mai e le malo le $500 i le tausaga mo a’oga e oo atu i le 50 le aofai o fanau a’oga, e $965 i le tausaga mo a’oga e oo atu i le 100 le aofai o fanau a’oga, e $2,411 i le tausaga mo a’oga e oo atu i le 250 le aofai o fanau a’oga, ma le $5,083 i le tausaga mo a’oga e oo atu i le 527 le aofai o fanau a’oga.
O fesoasoani tupe nei e maua e a’oga i tausaga ta’itasi i totonu o le fā tausaga o i luma e tusa ma le pepa o faamataga mai le minisita o a’oga, Erica Stanford.
O le a iai foi puna’oa e maua fua mai le matagaluega o a’oga.
O fesoasoani nei a o aga’i atu a’oga i le faiga o le a faaofi mai ai le structured literacy ma o lea foi ua amata toe foi e faia phonics test.
O phonics test nei o lea ua amata faata’ita’i e a’oga e 80 ma o ni su’ega e iloa ai le lelei o le faitau tusi a fanau a’oga.
Ae mo pulea’oga e lē o talitonu tele i le structured literacy, o le fautuaga mai le minisita ia Stanford, o loo iai le lagolagosua a le matagaluega pau o lea o le aga’i e amata.
Puna o Faamatalaga: Government announces more structured literacy resources for schools (1news.co.nz)
