O le laina telefoni o fesoota’iga a le faalapotopotoga o le Toomaga mo ē Puapuagatia e maua ai le fesoasoani mo mataupu i sauāga i totonu o aiga i le taimi o alo le atunuu ma le lalolagi i aso fiafia o le Kerisimasi ma le Tausaga Fou, ua faailoa e lea faalapotopotoga e tele valaau na oo atu mo se fesoasoani.

Sa molimauina e le Toomaga o nisi o valaau sa faaoo atu e mātua sa mana’omia ai se fesoasoani i faafitauli o fanau teine laiti mai le 14 i le 15 tausaga le matutua, ua fia oese ma o latou aiga.

O le silasila a le faalapotopotoga o le tasi o mafua’aga o le su’e o nisi fanau teine one ua sasao le fia ola sa’oloto e aunoa ma se vaavaaiga a mātua.

O se tasi o valaau na sau mai Niu Sila sa logoina ai le Toomaga mo se fesoasoani i se tamaitai na sauāina e lona to’alua ae o se sauāga foi e faapea ana leai lea valaau e lē iloa, ona sa natia e mafua i le fefe o le tamaitai.

Ua ave ai le fautuaga a le Pelesetene le faletua o Siliniu Lina Chang i le atunuu ina ia faailoa ia ituaiga o sauāga e mafai ai ona maua se laveai e faamuta ai.