Ua faaali manino e le teutupe o le setete o Kuiniselani o David Janetzki o loo iai nei le setete i se tulaga faaletonu i lona tamaoaiga ma ua oo ana aitalafu i le oo atu i le 40 afe a le tagata i totonu o le tolu tausaga ma o se tulaga maualuga tele lea o aitalafu.
O loo una’ia le malo ina ia faatumauina pea lana folafolaga na faia i le taimi o faigapalota ina ia faaitiitia aitalafu e ala i le toe fetuuna’iga o auaunaga.
O le aitalafu a le setete ua lipotia e ono oo atu i le $217.8 piliona i le tausaga faaletupe 2027-2028 ma ua tuua’ia e le faigamalo le vaega faaupufai a le Leipa i le natia o le tulaga sa’o o loo iai le tamaoaiga o le setete i le taimi atoa sa tula’i mai ai i le faatonutonuina o le setete.
Ua valaau ai nei le teutupe o le setete ina ia silasila toto’a i le tala faatatau o le tupe ina ia toe faaleleia le tamaoaiga o le setete ma ua faailoa foi e le malo o le a tagataga’i foi i auala e faaitiitia ai tupe alu.
Puna o Faamatalaga: https://www.9news.com.au/videos/national/queensland-treasurer-reveals-dire-financial-picture/cm6920ry2000d0hnq9mjthsk6
