A o pisapisao ai polokiki i itu tau femalagaa’iga, ae poo ā poloketi o loo fai mai ai pati tetele nei e lua mo Aukilani, e lē mafai ona tupu sei vagana ua galulue ma Aukilani, peitai e lē o le mea lena o loo iai.
O le finagalo lea o le pulenuu o le aai tele i Aukilani, Wayne Brown.
Fai mai le pulenuu o le Labour ma le National e lei pasi le la suega na faia e galulue ai ma le Auckland Council.
I le finagalo o Brown e faigofie toe taugofie atu auala o loo fuafuaina e ia ma le Council na i lo auala kolosi o loo fai mai ai le National ma le Labour ma o loo tuuaia ai foi le pulenuu o mea faapolokiki uma, ae e lē o faia mo femalagaa’iga.
O le manaoga o le pulenuu faapea le Council a Aukilani e tusa ma saunoaga a Brown, o loo mananao i fuafuaga e lelei atu, vave toe taugofie.
O fuafuaga faataatitia a pati tetele ua faailoa mai, o loo faataoto e amata faagaioi mai le 2029.
