O se faiga faapaaga tau galuega i le va o le Atu Kuki ma le Atu Solomona e ono vaaia ai ni tausi soifua ma foma’i mai le Atu Solomona o aga’i atu e galulue i le Atu Kuki.
Ua faamaonia ane e le Palemia o le atunuu, Jeremiah Manele i le RNZ le la talanoaga ma le Palemia o le Atu Kuki, Mark Brown ma faatalanoa ai le mataupu lea tau galuega ma avanoa e mafai ona galulue faatasi ai.
Fai mai o loo tuu avanoa foi iai le faigamalo a le Atu Kuki i sea faiga, peitai o le ta’ita’i o le Itu Agai a le Atu Solomona, Matthew Wale na ia ta’ua e tatau ona taula’i le malo i le faafaigaluegaina ma le toleniina o ona tagata ae aua le ave atu fua i galuega i fafo.
Ta’ua foi e le ta’ita’i o le Itu Agai a Solomona o le taimi nei ua iai foi o latou tagata o loo galulue i galuega faavaitaimi i Ausetalia ma Niu Sila.
Puna o Faamatalaga: https://www.rnz.co.nz/international/pacific-news/558953/solomon-islands-considers-sending-health-workers-to-cook-islands
