Na maimoa tuusa’o le to’atele o le lalolagi i le taeao analeila i faasalalauga i le tele o televise ma upega tafa’ilagi, i le toe tuvae mai o le ausu’esu’e i le vanimonimo poo astronauts a le NASA lea sa poloka i le vanimonimo mo le 9 masina.
O Suni Williams ma Butch Wilmore sa poloka ai i le International Space Station mo lea taimi umi ona o se faaletonu tau masini.
E 17 itula na toe foi mai ai i le eleele i latou ia, e aofia ai ma le to’alua na taunuu atu i se taimi e le’i mamao atu mo le aumaia o i la’ua sa poloka i lea nofoaga ma ua taunuu manuia mai i fanua ma i le mae’a o siaki o loo faatino i le soifua mālōlōina o le a feiloa’i atu ai i o la aiga ua leva ona taputapua’i mo le taunuu saogalemu mai laueleele.
Fai mai sooupu a le NASA o se taumafaiga manuia ma o le a fesoasoani tele nei sa’iliga i su’esu’ega faifaipea a lea foi auaunaga.
Puna o Faamatalaga: https://www.9news.com.au/world/stranded-astronauts-to-splash-down-on-earth-this-morning-updates/207e4bb9-2517-4e0a-a151-4d081b1c70d0
