Ua iai nei se isi polokalame fou a le malo ua faama’ite e le Matagaluega o Tinā ma Tamaitai, Atina’e o afio’aga ma aga fesoota’i, ua amana’ia ma faatāua ai le sao o tina ma tamaitai o le atunuu ua iloa a latou galuega i le atina’e o Samoa.
O le autū o lea polokalame “Ia faae’e Malama”.
Faaalia e le Minisita o lea matagaluega a le malo o se taumafaiga lenei o le a ave ai le vala’aulia i nuu ma afioaga e faailoa atu tinā ma tamaitai i o latou afio’aga ma itumālō ua iloga ni galuega sa latou faatino mo le manuia o tagata o lena nuu.
Le Minisita o Tina ma Tamaitai, Atina’e o Afioaga ma Agafesootai, Afioga Mulipola Anarosa Ale Molioo.
O le malo o Ausetalia o loo lagolagoina lea polokalame fou a le malo.
