O le taeao nei e iloilo ai e le faamasinoga le talosaga e iloa ai le faai’uga o le faia pea o le fonotaga a le pati a le Greens i le Aso Sa ma le lē oo.
O lea ua sulu lē sa avea ma faipule o le Greens lea ua tuto’atasi nei, Darleen Tana i le Faamasinoga Maualuga ma lona malosiaga e taofia ai le oo ona faia o le fono a le pati a le Greens i le Aso Sa.
O le fono lenei o loo tālia e filifili ai sui o le pati pe faaaogā le tulafono o le waka-jumping e tuli ese ai Tana mai le Palemene, poo le tulafono o loo aiaia ai le tatau ona tuli o le Faipule pe a sui lana pati.
O le mataupu lenei o loo faaauau mai pea talu mai le masina o Mati ona o aafiaga o le faipule e fesoota’i ma tuua’iga faasaga i lona toalua ma lana pisinisi e leaga ma solitulafono le auala o loo ia faafaigaluegaina ai tagata mai atunuu i fafo.
O le ā le faai’uga a le faamasinoga o le a tuuina mai, e lē gata o le a fua iai le fonotaga o le Aso Sa a le pati ae o le lumanai foi o le Faipule mai lea fonotaga.
Puna o Faamatalaga: https://www.nzherald.co.nz/nz/politics/darleen-tana-saga-greens-head-to-court-over-the-right-to-hold-a-meeting/KX5PENQT2RELZMGCZYFAI5PUSU/#google_vignette
