I le tele ai o faamatalaga i tulaga ua iai le vaega faaupufai a le National, i tulaga o iai le faigāmalo ma le ta’ita’iga a le alii Palemia, Christopher Luxon, o lea na faailoa e le ta‘ita‘i o le New Zealand First, Vaovasamanaia Winston Peters, ona manatu ma lagona i le faatino ai o le feiloa’iga a sui lagolago ma faipule o le vaega faaupufai o le National poo le caucus.
O lea na ia faailoa, ana o la talanoa ma le ta’ita’i o le malo e na te fautua iai e ‘aua ne’i faia se palota o le faatuatuaina poo le vote of confidence.
Na faamanino e Vaovasamanaia, afai e tupu lea tulaga e ono toe tupu foi i le lumana’i aemaise lava pe afai ua iai i se tulaga faaletonu numera o tagata lagolago poo le polls.
Ae ui i se finagalo o Peters ae na maitauina lava le faatumauina o le ta’ita’iina e le alii o Luxon o le vaega faaupufai o le National, i le mae’a ai o le 3 itula o faatino le fonotaga poo le faafaletui a lenei vaega faaupufai.
Na manino lava le lagolagoina pea e tagata le ta’ita’i o le National.
Tali foi le tama’ita’i Minisita o Tupe, o le sui ta’ita’i foi mo le National ia Nicola Willis, o loo tumau pea Luxon e ta’imua ma ta’ita’ia le vaega faaupufai i le faigāpalota o lenei tausaga.
Na ia faamatala foi, o gaioiga uma ia o faatosina o palota a Peters, o faiga faapolokiki uma e maua ai ana numera.
Puna o Faamatalaga: https://www.nzherald.co.nz/nz/politics/winston-peters-says-he-would-have-advised-christopher-luxon-against-caucus-confidence-vote/NALYJFXOVRELPFX2L3FCZREARM/
