Ua toe afea foi le Matāgaluega o le Soifua Mālōlōina i le agalelei o le Ekalesia a Iesu Keriso o le Au Paia o Aso e Gata Ai, i se isi fesoasoani tāua e ala i se foa’i o se taavale van mo le faia o le auaunaga e faasavali ai le galuega o le togafitia o oloa poo nifo i nuu ma afio’aga i tua.
Photos: Ministry of Health Samoa
E lē gata i le taavale ae ua faatupe foi e lea ekalesia galuega sa toe faaleleia ai se tasi o fale o loo faaaogā e le matāgaluega i nisi o ana auaunaga faasoifua mālōlōina.
Ua molimoli ai le faafetai a le Minisita Lagolago o le Matāgaluega o le Soifua Mālōlōina le afioga Motuopuaa Seve Henney Afereti Papalii i sui o le ekalesia, i se sauniga na aloa’ia ai le tuuina atu i le matāgaluega o lea fesoasoani ma le foa’i o le taavale.
O se tasi o ekalesia i Samoa e lē solomuli i le ofoina o foa’i ma fesoasoani mo le siitia o le auaunaga faasoifua mālōlōina.
