E 18 cases fou o le koviti ua faamauina mai I Sini I le aso ma ua faaitiitia mai le 35 na lipotia I le aso ananafi. O loo faatalitali pea le toatele I le setete o Niu Sau Uelese pe ole a toe tatala le tapu I le aso faraile nei pe toe faaauau foi.
O se feiloaiga a le premier Gladys Berejiklian I le aso ma le au tusitala na ia faaailoa ai faamatalaga ia ma mai le toa 18 lea, e 16 e fesootai agai Ia I latou o loo aafia I le taimi nei ae o leisi toalua o loo faia pea suesuega e faamaonia ai poo fea na aafia mai ai.
O le toa 11 o cases ua iai I nofoaga faanofoesea ae o leisi toalua sa iai I le komiuniti I le taimi o loo aafia ai I le vairusi. O leisi toalima foi sa matele ina faanofoesea I le taimi o loo masalomia na amata aafia ai. O le toafitu o tagata na aafia e mai se pati na aofia ai I le aai ma o tagata na o latou fesootai, household contacts lea ua faamaonia uma le aafia.
E silia ma le 32 afe tagata na agai ane mole faia o siaki ae talu mai le masina o Iuni ua oo atu ile 16,330 cases o le koviti ua faamauina I Sini talu ona pepesi le faamai. O taeao ole a faamatuu mai ai se faaiuga mautu a le premier pe faamuta le tapu pe faaauau atu I le vaiaso fou.
Ua finagalo foi le premier ia avea le tapu lea ma taimi mulimuli e toe tapunia ai le setete seia oo ina maea uma ona faia tuipuipui o tagata. Mai ia I latou o loo aafia ile taimi nei, e toa 26 o loo togafitia I le falemai, toaono o I latou ia o loo ile vaega tigaina.
