O loo nofo taofia nei i le vaaiga a leoleo se tagata malaga o se tina e faapea o se tagatanuu filipaina, sa ia afea le malaevaalele i Faleolo i se malaga mai Amerika Samoa, ae na maua o ia umia nakoti le pauta faasāina o le aisa.

Sa maua foi o ia umia ni ututau.

Sa tulai lea tamaitai i le Faamasinoga Maualuga i le Aso Gafua o le vaiaso nei, peitai ua tolopo i le vaiaso fou e toe fofoga ai lenei faamasinoga, se’i mae’a suesuega a leoleo ma faamautu moliaga.

E lē o iloa pe fia le mamafa o le aisa na maua o umia e lē ua molia.

O loo iai le talitonuga o lea tamaitai Filipino sa afea Samoa i le faamoemoe e maua ai le isi vaalele e faaauau ai lana malaga mo se isi atunuu.