Ua faataoto mai e le ACT Party lana ia foi silasila mamao ao lumanai ai le Tala o le Tupe ma ua folafola ane o le a faaitiitia tupe faaalu ile 11.2 piliona ina ia faaitiitia ai tulaga o aitalafu faapea lafoga.
O lea fuafuaga ua faaigoa e le vaega faaupufai o le Budget for Battlers ma o loo mananao ia faaitiitia le lafoga totogi I le 17.5 pasene mai le 30 pasene o loo iai nei. Saunoa le taitai o le ACT David Seymour o tagata faigaluega malosi I Niu Sila e le o talafeagai le faiga ma ua faia ina ia totogi ai nisi o tupe faaaluvale a le Leipa.
Fai mai Seymour ise lipoti ile Radio NZ o la latou paketi poo le tala o le tupe o le a faasaoina mai ai le 11.2 piliona aemaise o le 3.8 piliona I le tausaga I tupe faasao mai I lafoga pe a tuuitiitia. Sa ia faalauiloa foi muamua o le a le faaleaogaina tupe ua faaagaga mo le soifua maloloina ma le itu tau aoaoga.
