Ua iai nei i Saina le alii Peresetene o Amerika o Donald Trump lea e feta’ua’ina i lipoti a le CNN o le a talanoa atu ai i le ta’ita’i o lea atunuu ina ia una’ia Iran e toe tatala le Strait of Hormuz.
Ua faailoa i lipoti ua faatuai lava talanoaga i le va o Iran ma Amerika a o taumafai pea Trump ia maua se maliega ma Tehran.
Ua faailoa i tusitusiga a le CNN o loo iai le latou aufaigaluega i Tehran mo le faatalanoaina o tagata aemaise i latou o loo i le ogatotonugalemu o le taua ma le vevesi o loo tula’i mai i le atunuu.
O le Aso Tofi o le vaiaso nei i Amerika ua fuafua ai le isi talanoaga a sui o Isaraelu ma Lepanona e faatatau lava foi i vevesi i lea faaitu aemaise ua tauāu lava ina faaletonu le maliega sa faia e taofia ai fetauiga a o tau faamautū se maliega o se filemu.
Ua teena mai e le United Arab Emirates faamatalaga e faapea na malaga atu le Palemia o Isaraelu, Benjamin Netanyahu i le Faga i Peresia.
Peita’i o loo lipotia foi le faia o se faamatalaga i le facebook e se tasi sa faigaluega mo Netanyahu e faapea o ia na la malaga faatasi ma Netanyahu i Abu Dhabi ma sa talia lelei ane le la faigāmalaga.
Puna o Faamatalaga: https://edition.cnn.com/2026/05/13/world/live-news/trump-iran-war-news
