O le miliona lona tolu sa faasafua i Fono Faavae a itumalo palota e 51 i le tausaga na te’a nei a o lumana’i le palota tele ia Aokuso o le tausaga 2025, e oo mai i le taimi nei o loo tulituli pea lipoti o le faaaogāina o le 700 afe o lea miliona.
Ua faailoa e le ta’ita’i o le malo le afioga i le Palemia, o le māfua’aga lea o le tuai ona faamatuu atu le 300 afe tālā o loo totoe o le miliona a ia Fono Faavae, ona ua tuai ona tuuina atu e ta’ita’ifono sa iai o komiti a ia Fono Faavae lipoti e tausisia ai aiaiga o le faailoa pe na faapefea ona faaaogā tupe o le tufatufaga muamua o le tasi le miliona lona tolu i le taimi o le nofoa’iga a le paea’iga 17 a le Palemene.
O le finagalo o le Palemia susuga Laaulialemalietoa Leuatea Polataivao Fosi i le fono ma tusitala i le Aso Lulu.
O itumalo o latou Fono Faavae o loo faatuai pea lipoti o Palauli 3, Alataua i Sisifo, Gagaemauga 1, Faleata 3, Aana Alofi 3, Aana Alofi 2, Aleipata Itupa i Luga ma Aleipata Itupa i Lalo.
