I le masina o Iulai o le tausaga na te’a nei na siitia ai le totogi pito maualalo mo tagata faigaluega togiaso uma i Samoa o loo tautua i pisinisi ma auaunaga tuma’oti, o lea ua faailoa e le ta’ita’i o le malo isi siitaga e amata ia Iulai o le tausaga nei, faapea Iulai o le tausaga fou 2027 ma Iulai o le tausaga e 2028.
E 40 sene le siitaga o le totogi pito maualalo poo le minimum wage lea o loo $4 tālā 84 sene i le itula i le taimi nei, ae oo atu i le aso muamua o Iulai o le tausaga nei ua sii i le $5 tālā 24 sene i le itula.
O Iulai o le tausaga fou 2027 e oo atu iai ua $5 tālā 65 sene i le itula le totogi pito maualalo ae o Iulai o le tausaga e 2028 e oo atu iai ua sii i le $6 tālā 5 sene i le itula.
