Ua ave le lagolago a le Palemia tausi o le Atu Solomona, Jeremiah Manele i lē sa avea ma Minisita o le Va i Fafo a le atunuu o Peter Shanel Agovaka e avea ma Palemia a o lumana’i ai le palota i le aso a taeao.
O loo tauva Agovaka ma le ta’ita’i o le Itu Agai, Matthew Wale ma le ta’ita’i o le isi patī tuto’atasi o Manaseh Maelanga.
Fai mai Manele ua ave lana lagolago ia Agovaka ia faataunuu ai lana misiona i le malo ma ua valaau ai i tagata sitiseni uma o lona atunuu ina ia tumau pea le to’a ma talia lelei foi le i’uga o le a iai le filifilia o se Palemia fou.
Fai mai le finagalo o nisi mai tausaga ua tuana’i sa mātele ina tula’i mai vevesi ma lāgā foi finagalo o le lautele i matāupu faapea peita’i e foliga ua sologa lelei mea uma ma filemu lona faataunuuina o mea uma.
Puna o Faamatalaga: https://www.rnz.co.nz/news/pacific_solomon-islands/595159/manele-backs-former-foreign-minister-and-defector-for-solomon-islands-top-job
