E to’alua alii ua tuua’ia i le aofia ai i se faiga soofaatasi e faatupuina faalavelave, crime network i Vitoria e faatatau i fuālaau faasāina ma le feavea’iina o ‘au’upega.
O le vaiaso nei na osofa’ia ai e leoleo faa’au’upegaina ni nofoaga se 3 i Lara, Gisbourne ma Thomastown ma maua ane ai ‘au’upega e 11 ma se vaega tele o fuālaau faasāina.
Fai mai e aofia ai ma ni fana na gaosia lava e latou faapea foi ma pulu.
Na aofia ai ma le ‘ausu’esu’e mai le vaega e feagai ma pomu faapea foi ma le ‘ausu’esu’e e faapitoa i lea osofa’iga.
Ua lipotia e le 9News sa faaaogā e le ‘ausu’esu’e robots ma drones i le latou osofa’iga ma e to’afā na pu’eina ai i le aso ananafi.
O le asō ua toe faailoa mai ai e to’alua lea ua molia, o le 54 ma le 38 tausaga le matutua ma o le a tula’i i se taimi i le faamasinoga.
O le isi to’alua ua ta’ua e i’u ina molia foi i moliaga lava o le umia o ‘au’upega.
Ua faailoa e leoleo o le osofa’iga lea o se vaega o le latou su’esu’ega o loo faaauau pea i sootaga ia i fuālaau faasāina ma le feavea’iina faasolitulafono o ‘au’upega.
Puna o Faamatalaga: https://www.9news.com.au/national/men-charged-with-drugs-and-weapon-trafficking-near-geelong/5a1a310d-bd12-4e1d-b75c-24fe8f83c324
