A o iai le tupu tama’ita’i o tagata Maori, Te Arikinui Kuini Nga wai hono i te po, i Peretania tele, o lea na maua lona avanoa e feiloa’i atu ai ma le Perenise o lea malo tele, le alii o Prince William.
Faamauina sa faatautaia lea feiloa’iga i le Windsor Castle.
I ripoti mai le NZ Herald, na ta’ua e le tupu tama’ita’i ia Te Arikinui o se feiloa’iga ua avea ma pine faamau o sootaga a tagata Maori ma le aigatupu o Peretania, o le lona valu ai lea o augātupuluga o lona aiga ua feiloa’i ma sui o le aigatupu o lea malo
I faasalalauga i luga o le itulau o le X a le alii Perenise ia William na ia faamatala ai lona fiafia tele i le la feiloa’iga ma le tupu tama’ita’i o Maori.
Faamauina na o la faasoa i le tele o matāupu faavaomalo, ma o lea na faaalia ai manatu o le tupu tama’ita’i ia Te Arikinui, le malosi o lana finau i le tomai ma le agavaa o tagata moni o le laueleele (indigenous knowledge) ma le faamalosi’au i augātupulaga eseese e fesoasoani le tasi i le isi ma fausia faatasi metotia e tali atu i suiga ma’ale’ale o le tau faapea le lu’itau o loo fetaia’i pea ma le to’atele i lenei vaitau.
Lipotia foi, a o iai Te Arikinui i Lonetona, na mafai ona auai atu i le faatasiga, o se fiafia e faamanatu ai tupulaga talavou poo rangatahi – ua molimauina le atina’e o olaga i le fesossoani e tauala atu i le King’s Trust Aotearoa New Zealand, e pei foi ona faamanatuina le 50 o tausaga talu ona faavae mai lenei faalapotopotoga.
