O tala feavea’i solo i luga o upega tafailagi ma fesiligia ai pe aisea ua tuai ai ona maua faamanuiaga tau tupe o le taui e 10 miliona tālā mo tagata uma o le itumalo o Safata, ua aumai ai se finagalo o le sui faipule o Safata 2 i le upega tafa’ilagi o le Fono Faavae a lea itumalo palota ma ua faailoa ai e le afioga Tuia Pu’a Fuatogi Letoa o loo sologa lelei mea uma.
Ua faailoa ai foi e le sui faipule e lē tali i i ma o ae tali i lona itumalo.
O loo sologa lelei mea uma i le galuega o feagai ma le malo i le faia o feutana’iga uma mo le faamatuuina atu o le taui tupe lea ua faailoa e le faipule o loo tau faamae’a le sainia o nisi o maliega a tagata o le itumalo mo le tuuina iai o seleni ia latou teugatupe i faletupe i le atunuu.
E ta’i afe selau tālā e maua e le tagata e to’atasi mai le 10 miliona o le taui, e māfua i le manuao o Niu Sila o loo goto i gataifale o lea itumalo.
O le matāupu lava lenei ua faailoa ai foi e le Palemia ua mae’a faia le faai’uga a le Kapeneta e pei ona ioeina ai le tuuina atu atoa o le 10 miliona o le taui mai le malo Niu Sila mo Safata.
O loo iai le talitonuga e lē o toe mamao ae tauaao e tagata o le itumalo seleni o le taui ia latou teugatupe.
