Ua lipotia i le leitio faavaomalo a Niu Sila le faamata’u ane o le ‘au talanoa a Initia e ono savavali ese mai ma talanoaga tau fefaataua’iga o loo faia ma Niu Sila ona o nisi o matāupu o loo lōtea i talanoaga.
Fai mai le RNZ o le matāupu e faatatau i oloa e pei o le pata, susu ma isi, dairy products lea e aga’i iai le lē fiafia o sui mai Initia ona o le faatapulaa o tupe maua.
Fai mai e moni ua faaitiitia e Niu Sila tupe totogi mo isi oloa e pei o apasusu a tamaiti.
O loo ta’ua i le lipoti sa tula’i i luma o le komiti filifilia a le Palemene i matāupu tau fefaataua’iga le sui mai Initia, Vangelis Vitalis e finauina lo latou mana’oga ina ia aofia ai ma oloa o loo latou mana’omia i le maliega e pei ona iai.
Ta’ua e le sui mai Initia i lea lipoti, e le’i faigofie talanoaga o le matāupu ma sa iai foi taimi ua tauāu ina lagona ai le fia aga’i ese ma feutana’iga ae peita’i o loo tulaga lelei isi vaega o le maliega e pei o oloa e aofia ai le apu, kiwifruit ma le honey.
Puna o Faamatalaga: https://www.rnz.co.nz/news/political/595204/india-s-negotiators-threatened-to-walk-out-of-trade-talks-with-new-zealand-official-reveals
