Ua pasia nei se suiga i le faavae o le atunuu o Nauru o le a suia ai le igoa o le atunuu.
Fai mai na taulamua ai le Peresetene o le atunuu, David Adeang i lea suiga i le masina o Ianuari ma ia ta’ua ai i sana lauga e ui o le igoa Nauru ua iloa tele ai le atunuu faavaomalo talu ona tuto’atasi, peita’i o lenei suiga ua sa’ili ai e faaaloa’ia ona faaaloalogia tala’aga o le atunuu, le latou gagana ma faasinomaga.
O sui a faipule e to’a 16 na lagolago uma i le suiga lenei auā sa mana’omia le 2/3 o le Palemene e faapasia ai.
O lona uiga la o le a faatautaia lava le referendum poo se fesili faapalota e faataunuu ai tulaga uma e ao ona faatino i lalo o nei suiga.
O le igoa fou o Nauru o Naoero ma fai mai le faigamalo, na āfua le igoa Nauru ona o le ta’ugatā e le to’atele o le upu Naoero aemaise tagata mai fafo.
E fua i faamaumauga mai le ofisa o le va i fafo a Niu Sila ua faailoa ai o Nauru o le atunuu tuto’atasi aupito laitiiti ma o le faitau aofa’i o ona tagata e 12 afe.
Puna o Faamatalaga: https://www.rnz.co.nz/news/pacific/595044/nauru-parliament-signs-off-on-country-s-name-change-referendum-to-come
