Fai mai e sili atu i le 35 afe isi tagata malaga mai i totonu o Ausetalia i le tausaga faaletupe lenei nai lo le aofa’i sa fuafuaina ma ua māfua lea ona ua maitauina foi le to’atele na malaga mai i visa lē tumau ae to’aitiiti ua toe foi i o latou atunuu.
Ua faailoa e le 9News ua aga’i i luga le aofa’i o tagata malaga mai i Ausetalia talu ona mae’a le pandemic ma ua ta’ua i le lipoti o loo malosi le aofa’i o sitiseni Niu Sila ua malaga i Ausetalia.
Ta’ua e le faigāmalo a Ausetalia i lana tala faatatau o le tupe ua faalauiloa nei, o le a toe faaopoopo le umi e faasā ai tagata e malaga mai i le atunuu, mai le faatauina o fale se’ia oo i le 2029.
Ua faatulaga nisi taula’iga mo le polokalame nofomau ma ni nai fetuuna’iga i visa tafafao.
Ua faailoa e le malo o le a ave le faamuamua i talosaga mo tagata malaga mai e iai tomai nai lo i latou e talosaga e malaga mai mo faatasiga a aiga.
Puna o Faamatalaga: https://www.9news.com.au/national/federal-budget-2026-net-migration-figures-to-be-35000-higher-than-expected/a70953dd-969f-4ca2-83e8-d9f839b4a979
