Ua iai le fuafuaga o le a faatino i se sauniga i le aso 2 o Iuni i le taimi o polokalame o le Sisigafu’a le tauaaoina o faamanuiaga mo alo ma fanau a Samoa ua faamanuiaina i tauvaga o taaloga faavaomalo e ala i pine sa latou maua.
Ua faailoa lea fuafuaga e le ta’ita’i o le malo i le tuana’i ai o nisi o taaloga faavaomalo sa masii iai ‘autaaalo a Samoa ma maua ai pine auro, siliva ma apamemea, aemaise taaloga siisii u’amea mamafa a le lalolagi sa talimalo ai lo tatou atunuu i le masina na te’a nei.
O loo faia tapenaga e faamautū ai faamanuiaga e maua.
Le afioga i le Palemia susuga Laaulialemalietoa Leuatea Polataivao Fosi.
