Ua maea sainia e Solomona ma Saina le maliega mo puipuiga, poo le maliega lenei o loo popole ai Ausetalia, Niu Sila ma Amerika e ono tatala ai le faitotoa ia Saina e faamautu ai lana ami I le atu Pasefika
Ua faamautinoa e le sooupu o le va I fafo a Saina o lea maliega o le a faataga ai feutanaiga ma Solomona mo puipuiga
Ae mai le sui o le malo o Solomona na ia faamautinoa I le ABC ua maea sainia, ma o se aso I luma o le a fofoga aloaia mai ai e le palemia o Solomona
O le mau a Saina o se maliega o le a saga faamausali ai le nofo filemu ma le saogalemu o Solomona ma o loo o gatasi lea ma le manao o Solomona
Ae e le I sainia lea maliega o le Aso Gafua na toe lapatai ai Solomona e le sui o le fale paepae a Amerika, afai ae sainia o le a tatala ai e Solomona le faitotoa ia Saina ma lana militeli e ofi mai ai I le Pasefika
E ui I le taumafai atu iai o Amerika, Niu Sila faapea Ausetalia ia Solomona foliga mai o lea lava ua malo Saina ia Solomona
