Ua lapata’ia tagata Iapani i le siitia o lamatiaga o se isi foi mafui’e tele i le lumana’i i le mae’a o le mafui’e i le aso ananafi e 7.7 le malosi na afua ai poloa’iga e aga’i ese mai tagata ona o lapata’iga o galu e oo i le ta’i 3 mita le maualuluga.
E faitau afe tagata na faatonuina i le aso ananafi e aga’i ese mai ma gataifale ma aga’i i nofoaga maualuluga.
Ua faailoa la e le vaega o loo māta’itūina mafui’e i Iapani e ono toe aafia le atunuu i se isi mafui’e e malosi atu i le aga atu i le vaiaso fou.
E oo mai lava i le taimi nei e lē galo i le tele o tagata o le atunuu aafiaga o le mafui’e tele i le 2011 na āfua ai ma se galulolo e silia i le 18 afe na maliliu ai ma faaleagaina ai ma le Fukushima Nuclear Plant.
Fai mai na oo i Tokyo le lagonaina o le mafui’e lea ananafi ae i Hokkaido e 2 itula o iai pea lapata’iga o galulolo ina ua mae’a le lūlūga lea e 7.7 le malosi.
Puna o Faamatalaga: https://www.bbc.com/news/articles/czd7m7d699do
