Ua faailoa e Trump o le Aso Lulu o le vaiaso nei e mae’a ai le maliega ma Iran lea ua taofia ai nei fetauiga ma e foliga e lē toe ono faaopoopoina se taimi o lea maliega pe afai lava e lē maua se maliega tumau mo se filemu a o le’i oo atu i le Aso Lulu.
O loo fuafua foi o le Aso Tofi o le vaiaso nei e toe faia ai isi talanoaga a sui o Isaraelu ma Lepanona ae ua faailoa le aga’i ane o maligi Amerika i luga o le vaa lea na taofia i le Strait of Hormuz i le Aso Sa na te’a nei, sa iai i luga o le vaa le fu’a a Iran.
E lē o manino mai lava se faamatalaga mai ia Iran pe o le a iai ni ona sui i talanoaga o loo feta’ua’ina o le a malaga ane ai le sui peresetene o Amerika, JD Vance ma isi i Pakistan.
Pau le faamatalaga ua lipotia i le CNN i le asō, o le faamatalaga a le Fofoga Fetalai a Iran o Mohammad Ghalibaf fai mai a ia, e latou te lē taliaina ni feutana’iga e faia i lalo o ni faamata’u.
Puna o Faamatalaga: https://edition.cnn.com/2026/04/20/world/live-news/iran-war-us-trump-israel
