Ua molia nei se loia i Sini ina ua feta’ua’ina lona aofia ai i le faatinoina o se faiga na faatau ai i se tulaga taufaasesē ni fale e oo i le $25 miliona lona tau.
Faailoa e leoleo i le lipoti a le 9News, e feta’ua’ina sa faaaogā faasolitulafono le faitau miliona o tupe mo se syndicate solitulafono o loo tuua’ia i le faaaogāina o faamaumauga gaoi e talosaga ai mo nonōgatupe i nisi o auaunaga e faatau ai ni taavale e lē mo’i.
O loo ta’ua o lea foi syndicate sa faagaioia isi pisinisi tetele ma nonōgatupe mo le faatauina o fale.
Sa faia le osofa’iga a leoleo i se fale i Punchbowl ma pu’eina ai se alii e 32 tausaga le matua.
Ua faia iai moliaga ma ua teena le tatala i tua ma o le asō ua fuafua e tula’i ai i le faamasinoga i Bankstown.
O le isi poloa’iga mo su’esu’ega sa faatino i se ofisa i le ogatotonu o Sini.
O le faamatalaga a leoleo e to’atele tagata ua o latou pu’eina i le matāupu lenei ma ua oo i le 24 ua molia ma ua taofia ai foi e le NSW Crime Commission se tau e $95 miliona o aseta.
Puna o Faamatalaga:
