Ua faailoa e le Fale Pa’epa’e ua aga’i atu nei ona sui i Pakistan mo talanoaga o le filemu e ui e le’i faamaonia mai faalaua’itele e Iran pe o le a iai ni ona sui e aga’i atu i lea talanoaga.
Lipotia e le CNN faamatalaga a Trump e faapea na fana e le Navy a Amerika se vaa o loo iai i luga se fu’a a Iran.
Ua amata nei se su’esu’ega a le militeli a Isaraelu i se ata sa faasoaina i luga o le social media o loo faailoa ane ai se fitafita Isaraelu o loo ia faaleagaina se faatusa o Iesu i le itu i Saute o Lepanona, o se faatusa i le taimi na faasatauroina ai Iesu.
Ua faailoa e le Israel Defence Force poo le vaega o le puipuiga a Isaraelu, o loo vaavaai nei i le matāupu lea e ogaoga ma o gaioiga a lea fitafita ua lē talafeagai.
O loo faaauau pea ona siitia le tau o le suāuu i le Strait of Hormuz a o lalata ai le taimi e faamae’a ai le taofiga o fetauiga e pei ona malilie uma iai Amerika, Iran ma Isaraelu mo le umi e 2 vaiaso.
Puna o Faamatalaga: https://edition.cnn.com/2026/04/19/world/live-news/iran-war-us-trump-hormuz
