Fai mai e to’a 8 tamaiti mai le tasi le tausaga i le 14 tausaga le matutua ua fasiotia i se faalavelave na tupu i Shereveport Louisiana i Amerika.
Fai mai le BBC o se tagata na aga’i ane ma se fana ma tafana ai tagata e to’a 10 ma sola ese ai i se taavale gaoi; na fai tuliga ma leoleo ma fasiotia ai.
Ta’ua e leoleo o loo mafatia nai aiga o i latou ua aafia aemaise foi malu o le malo ma le komiuniti atoa.
E lē o faailoaina mai e leoleo i le taimi nei suafa o ē ua maliiliu ae na ta’ua e iai nisi o tamaiti ua aafia e aiga i lē ua maliu, lea e suafa ia Shamar Elkins.
Fai mai le pulenuu o lea faaitu faato’ā tula’i mai lea o se faalavelave faapea i lo latou pitonuu o Shreveport.
O nisi na manunu’a o loo i le falema’i ma ua talosagaina talosaga mo nai aiga mafatia.
E talitonu leoleo o le alii na faatupuina le faalavelave e na o ia na iai.
O loo faaauau le su’esu’ega i le asō.
Puna o Faamatalaga: https://www.bbc.com/news/articles/c0q9v1p2dd2o
