O loo valaau nei le faigāmalo a le Northern Marianas i le Fale Pa’epa’e i Amerika ina ia faamauina le faalavelave tugā na aafia ai le atunuu i le afā o Sinlaku.
E tele mea na faaleagaina i le Super Typhoon lea ma e oo mai i le taimi nei o loo feagai ma faigatā i le tau toe faaleleia o mea uma aemaise auaunaga mana’omia faavavave.
Fai mai le faigāmalo e umi se taimi e faatino ai lea tulaga ona e lē o lava foi meafaigaluega e mana’omia mo galuega toe faaleleia.
Ua faailoa i lipoti a le RNZ o loo valaau pea le tele o aiga mo le suāvai ma taumafa ma o le valaau o le faigāmalo ia Trump ma Amerika ina ia faamauina le afā lea o se faalavelave tele ina ia avanoa ane ai nisi fesoasoani mo le atunuu.
Ua faailoa e le sui a le Northern Marianas i Uosigitone ua mae’a sainia le talosaga lea e le matāgaluega e feagai ma matāupu faapea ma o loo faasolo atu nei le matāupu i le ofisa o le Peresetene.
O loo iai fesoasoani e pei ona masani ai e pei o le Koluse Mūmū ma isi, ae fai mai le to’atele e mana’omia pea le fesoasoani mai le malo tele i ituaiga mafatiaga o loo feagai ma le atunuu.
Puna o Faamatalaga: https://www.rnz.co.nz/news/pacific_northern-marianas/593087/northern-marianas-seeks-major-disaster-declaration-after-typhoon-sinlaku-devastation
