Faamaonia mai e le Matāgaluega o le Soifua Mālōlōina a Tonga e 24 isi tagata ua aafia i le dengue fever talu mai le Aso Faraile ma o le to’atele o i latou ia e aafia e i le va o le 11-15 tausaga le matutua.
Ta’ua i le RNZ se faamatalaga mai le matāgaluega e faapea o timuga ma uiga loulouā o le tau i le atunuu ua atili faateteleina ai le namu ma feavea’i ai pea ma le siama o lea faama’i.
Ua toe faailoa le pepesi o le dengue i le atunuu ae le’i leva atu pe ā ma le 7 masina na faailoa ai e le malo ua mae’a le isi pesiga sa iai talu ai, lea na aafia ai tagata e 907 ae to’atolu na maliliu ai.
Ua lapata’ia e le matāgaluega le atunuu ia usita’ia faatonuga ua tuuina ane mo le tausia o le soifua mālōlōina.
Puna o Faamatalaga: https://www.rnz.co.nz/news/pacific/592924/tonga-declares-dengue-outbreak-24-cases-confirmed
