O le sa’iliga mo le auvaa a le vaa la’uoloa o le Mariana i gataifale o Saipan ua faailoa mai se tala faanoanoa ina ua maua le tinomaliu o se tasi o le auvaa ae o loo tau sa’ilia pea isi.
Lipotia e le leitio faavaomalo a Niu Sila o le vaa lea na sa’e ma aga’i atu loa iai le aufesoasoani aemaise le aumāulu a le Air Force a Amerika lea na o latou mauaina le tinomaliu lea i le afiafi o le Aso Gafua o le vaiaso nei.
O loo fesoasoani ane foi iai ma le Coast Guard a Iapani, Coast Guard a Amerika, le Air Force ma le Navy a Amerika ma le Royal NZ Air Force ma o loo faaauau pea le sa’iliga mo le isi to’alima o le auvaa.
Puna o Faamatalaga: https://www.rnz.co.nz/news/pacific/593206/one-person-dead-as-search-continues-for-missing-cargo-vessel-crew-off-saipan
