E to’alua fitafita ia ua falepuipui nei i lo la faaleagaina o le faatusa o Iesu i le itu i Saute o Lepanona ma o la pu’eina ni ata i le taimi sa faatino ai lea gaioiga ma ua faailoa i lipoti ua faasala foi mo le 30 aso i faasalaga faamiliteli ma aveesea mai o la tofiga.
E to’aono foi isi fitafita sa matamata lelei i ia gaioiga ae leai se gaioiga na o latou faia e taofia ai, ma ua samania uma ane i luma o le vaega o le puipuiga a Isaraelu le IDF.
O le su’esu’ega na faatino e le IDF i le matāupu lea na o latou faailoa ai ua lē ogatasi gaioiga sa faia e i latou ia ma amioga e faatalitalia o latou nei o fitafita.
Sa matua’i faailoa le lē fiafia o le Palemia o Isaraelu, o Benjamin Netanyahu i lenei matāupu.
Puna o Faamatalaga: https://edition.cnn.com/2026/04/21/middleeast/israeli-soldiers-damaged-christ-figure-intl
