Ua faailoa e Trump o le a toe faaopoopo le taimi e taofia ai fetauiga ma Iran se’ia mae’a feutana’iga.
Ua faailoa ane e le Fale Pa’epa’e i le CNN o le faigāmalaga a le sui peresetene o le atunuu, JD Vance sa fuafua mo Pakistan e faafoe talanoaga mo se filemu, ua faalēaogāina.
O le faamatalaga a Trump e faapea ua ia toe faaopoopo le taimi o le taofia o fetauiga ma Iran se’ia tuuina ane se fuafuaga mai Tehran e faamuta tumau ai le taua.
Ua faailoa foi e Trump o le a faaauau pea le poloka i le Strait of Hormuz.
Ua lipotia i le CNN faamatalaga a se faufautua sinia a Iran e tali ane ai ia Trump, fai mai a ia e leai a se uiga o nei tulaga ma o loo ōia lava le maliega na faia.
Ta’ua e Trump o loo manana’o Iran e toe tatala le Strait of Hormuz ae o loo finau ane Amerika o le aveesea o le poloka a latou o loo faia i uafu a Iran o le a tuumāmāina ai ni avanoa mo se maliega tau le filemu se’i vaganā ai la ua faapā atoa le atunuu.
Faailoa foi e Trump o loo manana’o Iran ia tatala le ogasami lea ona e maua ai le latou $500 miliona i le aso.
Puna o Faamatalaga: https://edition.cnn.com/2026/04/21/world/live-news/iran-war-us-trump-israel
