E silia i le 16 afe isi avanoa faigaluega fou ua matala mai nei i Ausetalia ma e lē mana’omia ai le iai o sou tomai i lona faatinoina.
O le ofisa o fuainumera faamauina poo le Australian Bureau of Statistics ua ofoina ane avanoa faigaluega ia i aai tetele uma o Ausetalia ma nofoaga maotua mo le faatautaia o le tusigāigoa o le tausaga nei 2026 lea e pa’ū tonu i le aso 11 o Aokuso.
Ua faailoa e le 9News o le totogi e $31.19 sene i le itula e faaopoopo iai ma le supa.
O galuega faatino a field officers poo i latou o le a faafaigaluegaina i ia avanoa e aofia ai le tali o fesili a le lautele e faatatau i le tusigāigoa, tauaao tusi e faatatau i le tusigāigoa ma tulituliloa i latou e le’i maua ane tali i fesili.
E fesoasoani foi i tagata o loo mana’omia le fesoasoani e fia malamalama i le tusigāigoa
E faia lelei a’oa’oga ma toleniga a o le’i faatinoina le galuega.
Puna o Faamatalaga: https://www.9news.com.au/national/census-2026-jobs-abs-hiring-16000-field-officers/0fe37e84-dacb-472c-a688-e4b5afd9c28d
