Ua mae’a nei ona totogi atu e le Faalapotopotoga o Fale a Samoa le Samoa Housing Corporation lona sao tau tupe e lagolago ai i le faatupeina o galuega a le malo e ala i le dividend o loo totogi foi e nisi o auaunaga tuma’oti a le malo.
O le aso 16 o le masina nei o Aperila ua faamauina o se aso fiafia i lea faalapotopotoga a le malo na mae’a totogi ai lona sao tau tupe sa tatau ona totogi i totonu o le lima tausaga e amata mai i le tausaga e 2020 e oo i le tausaga na te’a nei 2025.
O le aofa’iga o lea sao tau tupe e 5 tesimale 93 miliona tālā.
Sa amata ona togitogi e le Faalapotopotoga o Fale lona sao tau tupe i galuega a le malo i le 500 afe tālā, ma faaauau ai i le totogi o le ta’i selau afe i le masina.
I se pepa o faamatalaga o loo faailoa ai o le Aso Tofi ua mavae na faamae’a ai loa i le totogi atu i le matāgaluega o faalapotopotoga tuma’oti a le malo o le 2 miliona 227 afe 365 tālā ma le 85 sene, ma ausia le lima miliona 927 afe 365 tālā ma le 85 sene o le dividend a lea faalapotopotoga tuma’oti a le malo.
