Ua faailoa e se tasi o tagata faitulafono sinia a Iran i le BBC e lē taitai ona latou faamatuu atu le faatonutonuina poo le vaaiga o le Strait of Hormuz i se isi.
Fai mai Ebrahim Azizi o le latou lea aiā tatau ma o le a faia e Iran le faai’uga sa’o e aofia ai ma le faatagaina o vaa e pasia lea ogasami.
Na ia faailoa o le a latou faaofi foi se pili i le Palemene ina ia faaaofia ai le matāupu lea.
Ua faailoa foi e Azizi i le faatalanoaga lava lea, o loo latou puipuia a latou aiā tatau mai faiga fai faamalosi a Amerika.
Ua faailoa foi i tusitusiga a le BBC e foliga o loo iai ni faailo o ni feeseesea’iga i totonu lava o le militeli a Iran ma le faapolokiki.
E tau atagia lea ina ua upuia e nisi le Minisita o le Va i Fafo a Iran, Abbas Araghchi ina ua faia ni ana faamatalaga i le social media e faapea ua tatala atoatoa le Strait of Hormuz.
Fai mai nisi ofisa faasalalau i Iran e tusa ua tuu ai lava e Araghchi le avanoa ia Trump na te folafola atu ai o ia ua malo i le taua ma faamanatu lona manumalo.
Puna o Faamatalaga: https://www.bbc.com/news/articles/cvg4jnn131qo
