E to’alua alii ua molia ma le isi to’alua o loo tau sailia pea e leoleo ona o le fasiotia o se tagata i Sini i le masina o Iulai o le tausaga nei.

Fai mai na valaau ane ai leoleo i se fale i Guildford ona o lipoti o se alii ua osofa’i e nisi.

Fai mai leoleo i se taimi mulimuli ane o le aso 20 lea o Iulai na valaau ane ai foi i latou i le falema’i i Westmead ona o se alii na aga’i atu ma manu’aga mai se naifi.

Na faia su’esu’ega ma iloa ai o lea tagata, e 37 tausaga le matua, na tuli atu e se kulupu o nisi foi alii ma osofa’ia ai.

Na ave e se tasi i le falema’i i Westmead ae maliu ai lava mulimuli ane.

O sa’iliga a leoleo na pu’eina ai se isi alii e 23 tausaga ma molia i le fasioti tagata ma e toe tula’i i le faamasinoga i le aso 21 o Novema.

O le isi e 23 foi tausaga le matua, na pu’eina mai le falepuipui i Silverwater i le aso ananafi ma molia foi i le fasioti tagata ma e tula’i i le faamasinoga i le asō.

O le isi to’alua o loo sa’ilia pea e leoleo fai mai o le isi o se alii Aferika ma le isi o se Pasefika pe Maoli na mulimuli vaaia o aga’i ese mai se taavale o le Toyota Aurion lanu siliva.

Puna o Faamatalaga: https://www.9news.com.au/national/two-charged-over-fatal-stabbing-guildford-sydney-earlier-this-year/f11a9bcc-4231-4ca8-b0a5-26c8594930ff