O le au tetee i le Democratic Republic of Congo ua o latou susunuina le nofoaga o loo togafitia ai gasegase aafia i le Ebola I lea itu o le atunuu. Fai mai lipoti a le CNN na afua le vevesi ona o nisi o le aiga o se alii talavou na maliu ona o aafiaga o le faama’i ina ua o latou taumafai e aveese faamalosi mai le tinomaliu o lea talavou mai le falema’i sa faataotolia ai.
Ta’ua i lipoti le tafana ane e leoleo o ni lapataiga e faataape ai le au tetee na agai atu ma susunuina faleie i fafo ane ole falema’i.
Taumafai malosi leoleo e faamuta le vevesi ma o se tulaga ua matuai lē fiafia ai leoleo aemaise ole toatele.
O loo iai se folasaga a le faalapotopotoga o le soifua maloloina o le lalolagi poo le WHO e faatatau i le pepesi a le faamai lea ma e le o fesoasoani le vesiga e pei ona lipotia i le tau tuuitiitia o luitau ma faafitauli feagai ma tagata ona o lea faama’i.
Puna o Faamatalaga: https://edition.cnn.com/2026/05/21/africa/protesters-set-drc-ebola-hospital-on-fire-intl
