I le mae’a nei ona tuuina atu folasaga a loia e lagolago ai mau i finauga faaletulafono i le talosaga a le faipule o Falealili 1 e pei ona sa iloilo i le Aso Lulu ma le Aso Tofi o le vaiaso nei, e faamasino e to’atolu o le Faamasinoga o Talosaga Apili a le Faamasinoga Maualuga, o lea ua tolopo galuega a lea faamasinoga e tālia ai se aso lata mai e aumai ai se faai’uga.
O se faai’uga e taunuu iai iloiloga o le a iloa ai le talia ma le teena o le talosaga ua faavae i mau autū e lua, e aofia ai le āfaina o aiā tatau faalefaavae o le sui faipule, ma le pitotasi o le faatinoga o le galuega a le faamasinoga o faigāpalota sa su’esu’eina le tagi tau palota mai lea itumalo.
