E tolu lelei aso o faia pea suesuega i nisi o masini, industrial machine i Ausetalia ma ua iu lava ina maua ai iai se vaega tele o fualaau faasāina na aveina ane mai Latin America.
O faamatalaga e faatatau i le operation lea na amata mai lava i le amataga o le tausaga ae na taofia ai le aveina ane o le tusa ma le 373 kilo o fualaau faasāina o le cocaine ma aisa ma isi fualaau faasāina na faaui ane i le Port Botany i Sini.
Fai mai na amata mai le suesuega lea ina ua maua e ofisa a le Border Force a Ausetalia nisi o tulaga e le masani ai i se suesuega na faia i se masini mamafa o le afi e alu i le kiso na ave ane mai Mexico faaui mai i Meleisia.
O i na amata ai le suesuega e tolu aso a le Federal Police a Ausetalia ma maua ai loa sea vaega tele o fualaau faasaina ole cocaine faapea foi ma le aisa ma isi. O loo faaauau pea le suesuega i lea ma ua ta’ua e leoleo o loo latou sailia se fesoasoani ane a tagata i le suesuega lenei poo ai tonu o aafia uma ai.
Puna o Faamatalaga:https://www.9news.com.au/national/huge-drugs-haul-found-inside-generator-at-sydney-port/07395f9f-999e-487c-9a57-9771c84c2399
