Ua fautuaina tagata i Dunedin ia faaeteete i le faaaogāina o taga oneone a o feagai ai le aai ma le faamamāina o ona si’omaga talu lologa na aafia ai i le faai’uga o le vaiaso.
Ua lipotia i le asō e 9 fale ua faapipii iai le sticker lanu mūmū ona o aafiaga mai lologa.
O le faamatalaga mai le Pulega a le aai o Dunedin o taga oneone e mafai ona toe faafoi i nofoaga sa ave ane ai pe tuu foi i luga o le alatele mo le aoina e i latou ua tuuina iai lea matafaioi.
Ua lapata’ia foi le faaaogā o totigilima pe a lotea oneone ma aua ne’i sasaa esea mai taga.
E 20 magaala tutotonu o loo tapunia pea i Dunedin ae ua toe tatala i le taeao analeila le State Highway 88 e aga’i i Port Chalmers.
Ua iai foi ma fautuaga e faatatau i le suavai lea ua tuuina foi se lapata’iga ina ia faapuna le suavai a o lei faaaogāina.
Puna o Faamatalaga: https://www.rnz.co.nz/news/national/529994/dunedin-floods-boil-water-notices-care-urged-with-sandbags-as-city-cleans-up
