O le faalēaogāina o se su’ega tāua na faia i le amataga o le masina nei e faaulufale ai tagata i se kolisi o togafitiga faafoma’i i Initia na māfua ona o tuua’iga na liki pepa su’ega ma ua faia ai loa ma solo tetee i le laumua o Initia o New Delhi.
O lea su’ega e faapitoa mo i latou e fia ulufale e avea ma foma’i i Initia ma e lata i le 2.28 miliona i latou na auai i le su’ega lea i le aso 3 o Me i le silia ma le 5 afe nofoaga i Initia.
O le alia’e o faitioga ma faaseā a tagata ma aiga o tamaiti a’oga i le matāupu lea ua faia ai le faai’uga a le malo e faalēaogāina ma o loo tālia isi aso fou o le a toe faatulaga ai le su’ega.
Ua tuuina atu le matāupu i le ‘ausu’esu’e e sa’ilia tonu ai le māfua’aga o le faaletonu.
Puna o Faamatalaga: https://www.bbc.com/news/articles/cwy2gd508n9o
